पाकिस्तानमा ओस्कार अवार्डका लागि प्रवेश गर्ने चलचित्र ‘जोयल्याण्ड’लाई प्रतिबन्ध

पाकिस्तानका अधिकारीहरूले एक ट्रान्सजेन्डर महिलासँग प्रेम गर्ने एक व्यक्तिको कथामा बनेको फिल्म जोयल्याण्डलाई सिनेमाघरहरूमा प्रदर्शन गर्न प्रतिबन्ध लगाएका छन् । उक्त चलचित्रको नाम ज्वाइल्याण्ड हो ।

Joyland ले कान्स फिल्म फेस्टिभलको LGBTQ पुरस्कार क्वियर पाम सहित शीर्ष विश्वव्यापी पुरस्कारहरू प्राप्त गरेको छ। टोरन्टो फिल्म फेस्टिभल र अमेरिकन फिल्म इन्स्टिच्युट फेस्टिभलमा प्रिमियर गरेपछि यो फिल्मले निकै राम्रो समीक्षा पनि पाएको थियो ।

अधिकारीहरूले स्क्रीनिङ सर्टिफिकेट जारी गरेपछि जोयल्याण्ड यस हप्ता पाकिस्तानका थिएटरहरूमा प्रदर्शन गर्ने तालिका थियो। तर फिल्मलाई आपत्तिजनक ठानेका धार्मिक नेताहरूबाट गुनासो आएपछि उनीहरूले उक्त अनुमति फिर्ता लिएका हुन् ।

पाकिस्तानको संसदले 2018 मा ट्रान्सजेन्डर व्यक्तिहरूलाई कानुनी मान्यता प्रदान गर्ने कानून पारित गरेको थियो । तर अहिले आएर केही रूढिवादी कट्टरपन्थीहरूले हालै ती अधिकारहरू मानिसहरूबाट खोस्ने अभियान चलाइरहेका छन्।