Friday March 29, 2024 | |

बाह्य दबाब र प्रलोभनले सनातनीय संस्कारमा ह्रास आएको पूर्वराजा शाहको भनाई

featured-news

काठमाडौँ– पूर्वराजा ज्ञानेन्द्र शाहले निरन्तर विषाक्त बनाइँदै लगिएको आजको प्रदूषणयुक्त विश्व क्षेत्रमा समस्त वातावरणलाई अमृतमय बनाउन कुम्भ मेलाको औचित्य अर्थपूर्ण रहेको बताएका छन् ।

महाकुम्भ मेलामा सहभागी हुन त्यहाँ पुगेका शाहले हरिद्वारमा आयोजित कार्यक्रमलाई सम्बोधन गर्दै सो कुरा बताएका हुन् । उनले वातावरणलाई प्रदूषणमुक्त बनाउन आजको विश्वव्यापी अभियानमा कुम्भ मेला जस्ता हाम्रा यस्ता धार्मिक अनुष्ठान सर्वथा उपयोगी र प्रेरणादायी हुने बताए ।

उनले हाम्रो धर्म, सभ्यता, संस्कृतिका अनेकन आदर्शहरु विश्वकै मानवीय मूल्यलाई डोर्‍याइरहेको बताए ।

‘सानो छँदा मैले महाकवि लक्षमी प्रसाद देवकोटाले लेख्नुभएको के नेपाल सानो छ रु भन्ने निबन्ध पढेको थिएँ, बडो चिन्ताकासाथ हाम्रो आर्य सभ्यताको महत्व खिँइदै गएको कुरामा उहाँले निबन्धमा लेख्नुभएको थियो,’उनले भने, ‘हो कतिपय बाह्य दबाब, प्रभाव, प्रलोभन र सांस्कृतिक अतिक्रमणका कारण केही समयदेखि हाम्रो पूर्वीय दर्शन, हाम्रो धर्म र सनातनीय संस्कारमा ह्रास आएको कुरा साँचो हो ।’

उनले धर्म बचाउन, संस्कृतिको रक्षा गर्न र मठ मन्दिर, देवस्थल र धामहरुको विकास गर्नुपर्ने बताएका छन् । पूर्व राजा शाहले ‘हिन्दू सम्राट’को हैसियतमा सोमबार गंगामा शाही स्नान गर्ने भएका छन् ।

यसमा तपाईको मत


फेसबुकबाट तपाईको प्रतिक्रिया

विज्ञापन

सम्बन्धित समाचार