यी कलाकार, जो विवाहको मिति पर्खिरहेका छन्

मुम्बई– सन् २०२० कैयौं मामलामा चुनौतिपूर्ण रह्यो । जसमा बलिउड कलाकारहरु पनि परे । कैयौं कलाकारहरु सन् २०२० मा विवाह गरेर घरजम गर्न चाहन्थे । तर त्यसो हुन सकेन ।

दैनिक भास्करमा प्रकाशित समाचारअनुसार कोरोना महामारीका कारण कैयौं सेलिब्रेटीहरुले आफ्नो विवाह सार्नुपर्यो । यद्यपि २०२१ मा पनि त्यही समस्या देखिँदैछ । तर यो वर्ष भने कैयौं सेलिब्रेटीहरुले आफ्नो विवाह सपनालाई पुरा गर्ने तयारी गरिरहेका छन् ।

बलिउडका प्रेम जोडी अभिनेता रणवीर कपूर र आलिया भट्टको नयाँ वर्ष सुरुवातमै इन्गेजमेन्ट हुने चर्चा थियो । किनकी उनीहरुको परिवार बिदा मनाउनका लागि रणथम्भौर गएका थिए । उनीहरुको त्यहाँ इन्गेजमेन्ट हुने चर्चा भए पनि त्यो हुन सकेन ।

हालैको एक अन्तरवार्तामा रणवीरले आफूहरुले सन् २०२१ मा विवाह गर्ने संकेत गरेका छन् । उनले कोरोना नआएको भए सन् २०२० मै विवाह गर्ने योजना बनाएको खुलाए ।

अभिनेता अली फजल र अभिनेत्री ऋचा चड्डाले अघिल्लो वर्षको अप्रिलमै विवाह गर्ने योजना बनाएका थिए । तर कोभिडको लकडाउनका कारण दुवैले विवाहलाई सारे । यसबाहेक अलीको आमाको पनि सन् २०२० मै निधन भयो । जसकारण उनीहरुको विवाह हुन सकेन ।

एक अन्तरवार्तामा ऋचाले कोरोनाको भ्याक्सिन नआउञ्जेलसम्म आफूहरुले विवाह नगर्ने बताएकी थिइन् । अहिले कोरोनाको भ्याक्सिन आइसकेपनि उनीहरुले कहिले विवाह गर्छन् भन्ने टुंगो लागेको छैन । तर उनीहरुको योजना भने सन् २०२१ भित्रै विवाह गर्नेछ ।

अभिनेत्री मलाइका अरोडा र अभिनेता अर्जुन कपूर दुई वर्षदेखि प्रेम सम्बन्धमा छन् । उनीहरुको विवाहको बारेमा कैयौं अफवाह आए पनि वास्तविक कुरा भने बाहिर आएको छैन । उनीहरु सन् २०२१ मै विवाह गर्न चाहन्छन् ।

उनीहरुले लकडाउनको समय सँगै बिताए र नयाँवर्ष मनाउन उनीहरु गोवा गएका थिए ।

अभिनेत्री सुस्मिता सेन र मोडल रोहमन सल दुई वर्षदेखि डेटमा छन् । दुवैजना लिभ इन रिलेसनमा छन् र यो वर्ष विवाहको योजना बनाइरहेका छन् । रोहमन सुस्मिता भन्दा १५ वर्ष कान्छा छन् ।