Sunday May 26, 2019 | |

‘प्रचण्ड’ को हत्या गर्न खोजेको छैन– विप्लव

featured-news

काठमाडौं– आज वैशाख ३० गते सोमबार । आज प्रकाशित अन्नपूर्ण पोस्टले मध्य पृष्ठमा प्रतिवन्धित नेकपा माओवादीका महासचिव नेत्रविक्रम चन्द ‘विप्लव’को अन्तर्वार्ता प्रकाशन गरेको छ ।

अन्तर्वार्तामा भनिएको छ–प्रतिबन्धित नेकपाका महासचिव नेत्रविक्रम चन्द ‘विप्लव’ले वार्ताले आफूहरुले उठाएका विषयको समाधान गरिहाल्छ भन्नेमा विश्वस्त हुन नसकिने बताएका छन् । भूमिगत रहेका उनले पार्टी प्रतिबन्धपछि पहिलो पटक दिएको अन्तर्वार्तामा सरकारले वार्ताका लागि औपचारिक आग्रह नगरेको दाबी गरे ।

‘वार्ताबाट न हामी तर्सिन्छौँ, न त वार्ताले क्रान्तिले उठाएको विषयलाई समाधान गरिहाल्छ भन्नेमा विश्वस्त छौँ,’ उनले भने । एनसेलमाथिको कारबाहीपछि सरकारले पार्टी प्रतिबन्ध लगाएको उनको भनाइ छ । राजनीतिक दलका शीर्ष नेताको हत्या योजना उनको पार्टीले बनाएको भन्ने सरकारको दाबीमाथि विप्लवले खण्डन गरे । ‘यति गम्भीर विषयलाई बजारको व्यापार गराइएको छ, उनले भने, यो नै अनौठो लाग्छ । यो प्रस्ट कुरा हो कि राज्यले हाम्रा नेतालाई इन्काउन्टरसम्मको योजना बनाएर शक्ति सञ्चालन गरेको छ भन्ने सुन्नमा आएको छ ।’

केही समय अघि नेकपाका अध्यक्ष पुष्पकमल दाहाल ‘प्रचण्ड’ले आफूलाई विप्लव नेतृत्वको नेकपाले मार्ने योजना बनाएको गोप्य सूचना आफूले पाएको भन्दै सार्वजनिक रुपमा भाषण गरेका थिए । त्यसै कारण विप्लव माथि प्रतिबन्ध लगाइएको हुनसक्ने आकलनहरु भएका थिए । तर यसलाई विप्लवले भने अस्वीकार गरेका छन् ।

यसमा तपाईको मत


फेसबुकबाट तपाईको प्रतिक्रिया

विज्ञापन

सम्बन्धित समाचार