Friday June 18, 2021 | |

दुई राउटे युवतीलाई मुखियाले ४ महिना सम्म नजरबन्द राखेको खुलासा

featured-news

काठमाडौँ– राउटे दुई युवतीलाई मदिरा सेवन गराई यौन दुव्र्यवहार गरिएको घटनाको यति बेला सर्वत्र विरोध भइरहेको छ । साथै उनीहरुमाथि यौन दुव्र्यवहार गर्ने युवाले बनाएको भिडियो सामाजिक सञ्जालमा सार्वजनिक भएसँगै विभिन्न निकायहरुको ध्यानाकर्षण गराएको छ ।

राउटे समुदायमा आफ्नो जाति भन्दा बाहिरकासँग गरिएको विवाह सम्बन्धलाई स्वीकार गरिँदैन । उनीहरुको आफ्नै संस्कार तथा नियम रहेको हुन्छ ।

देशको कानुन समेत नमान्ने राउटेहरुले आफूलाई जंगलको राजा मान्ने गर्छन् । त्यसै कारण आफ्नो छुट्टै नियममा चल्ने राउटेहरुले आफ्नै समुदायका महिला तथा पुरुषसँग मात्रै वैवाहिक सम्बन्ध गाँस्न पाउँछन् । समुदाय भन्दा बाहिरका महिला तथा पुरुषसँग शारीरिक सम्बन्ध भए उनीहरुको ज्यानै जोखिममा हुने गर्दछ ।

त्यसैका कारण दुई राउटे युवतीमाथि भएको यौन दुर्व्यवहार घटनाले उनीहरुको ज्यान आफ्नै समुदायबाट जोखिम रहेको बताइन्छ । राष्ट्रिय मानव अधिकार आयोगले समेत यस घटनाका कारण ती युवतीहरुलाई राउटे समुदायले अस्वीकार गर्ने सम्भावना देखिएको र उनीहरुको ज्यान नै जोखिममा पर्न सक्ने अनुगमनबाट पाइएको जनाएको छ ।
यस्ता घटनामा संलग्न भएको आरोपमा यसअघि राउटेहरुले आफ्नै समुदायका केहीको हत्या गरेको समेत जानकारीमा आएको छ ।

यस्तै, ती युवतीहरुलाई यसअघि पनि राउटे मुखियाले चार महिना नजरबन्दमा जस्तै गरी बन्दी बनाइएको पाइएको छ । आयोगले जारी गरेको विज्ञप्तिमा दुई युवतीलाई यसअघि पनि राउटे मुखियाले चार महिना नजरबन्दमा राखेको जानकारी प्राप्त भएको उल्लेख छ ।

आयोगका प्रवक्ता डा। टीकाराम पोखरेलद्वारा जारी विज्ञप्तिमा पीडित युवतीहरुको गोपनीयता संरक्षण, स्वास्थ्य परीक्षण, भौतिक सुरक्षा र अधिकार प्राप्तिमा आवश्यक पहल र प्रभावकारी अनुसन्धान गरी दोषीलाई कानूनी दायरामा ल्याउन सरकारलाई आग्रहसमेत गरिएको छ ।

यसमा तपाईको मत


फेसबुकबाट तपाईको प्रतिक्रिया

विज्ञापन

सम्बन्धित समाचार