Friday October 30, 2020 | |

खोप तयार नभए पनि लकडाउन हटाउने अमेरिकी राष्ट्रपति ट्रम्पको भनाइ

featured-news

काठमाडौं – अमेरिकी राष्ट्रपति डोनाल्ड ट्रम्पले कोरोना भाइरसविरुद्धको खोप तयार नभए पनि लकडाउन हटाउने बताएका छन् ।

राष्ट्रपति कार्यालय ह्वाइट हाउसमा भएको पत्रकार सम्मेलनमा ट्रम्पले यो वर्षको अन्त्यसम्ममा कोरोना भाइरसमाथि गतिलो प्रहार गर्ने समेत बताएको बीबीसीले जनाएको छ ।

ट्रम्पले खोप नबने पनि अर्थतन्त्र सञ्चालन गर्ने बताएका छन् । उनले खोप बनाउने अहिलेको अभियानलाई दोस्रो विश्व युद्धका बेला पहिलो परमाणु हतियार बनाउन गरिएको प्रयाससँग तुलना गरेका छन् ।

खोप बनाउने यो अभियानलाई ‘अपरेशन र्‍याप स्पीड’ को संज्ञा दिएका उनले खोप नबने पनि अमेरिकीहरु सामान्य जीवनमा फर्किन थाल्नु पर्ने बताएका छन् ।

संक्रामक रोग विशेषज्ञ डा. एन्थोनी फाउचीले खोप बिना महामारी नियन्त्रणमा आउने सम्भावना नरहेको बताइरहँदा ट्रम्पले भने खोप तयार नै नभए पनि लकडाउन खुलाउने बताएका हुन् ।

यसमा तपाईको मत


फेसबुकबाट तपाईको प्रतिक्रिया

विज्ञापन

सम्बन्धित समाचार