Saturday April 10, 2021 | |

नाफामूलक व्यवसायमा संलग्नता बढाउँदै नेपाली सेना

featured-news

काठमाडौँ— सेनाको मुख्य जिम्मेवारी राष्ट्रको सुरक्षा नै हो । नेपाली सेना भने विस्तारै नाफामूलक व्यवसायी पनि बन्दै गएको छ ।

जग्गा प्लटिङदेखि घर भाडामा लगाउने समेत व्यवसायमा छ नेपाली सेना । सेनाले सुपथ मूल्य पसल र पार्टी प्यालेस पनि चलाउने गरेको छ ।

रूपन्देहीको बुटवलस्थित योगीकुटीमा नेपाली सेनाले सञ्चालनमा ल्याएको ‘नेपाली सेना सुपथ मूल्य क्यान्टिन’ केही दिनअघि मध्यपश्चिम पृतनाका महासेनानी मछिन्द्र थापाले उद्घाटन गरे । योगीकुटीमा रहेको नेपाली सेनाको करिब दुई कठ्ठा जमिनमा सैनिक कल्याणकारी कोषले क्यान्टिनमा चलाएको हो ।

क्यान्टिनमा खाद्य परिकार र पेय पदार्थदेखि सुपर मार्केटहरूमा जस्तै दैनिक उपभोगका वस्तुहरू राखिएका छन् । क्यान्टिनमा काम गर्ने पनि मध्यपश्चिम पृतनाका सैनिकहरू छन् ।

नेपाली सेनाको पश्चिम पृतना कार्यालयका अनुसार बहालवाला, भूपू तथा सेनाका आश्रित परिवार र आम नागरिकलाई लक्षित गरी क्यान्टिन सुरु गरिएको हो ।

‘अन्य बजारमा भन्दा यहाँ सस्तो तथा सुपथ मल्यमा पाइन्छ,’ पृतनाका एक अधिकारीले भने, ‘नाफाभन्दा सेवाको भावले सुपर मार्केट सञ्चालनमा ल्याएको हो ।’

नेपाली सेनाका प्रवक्ता सन्तोषवल्लभ पौड्यालका अनुसार सुपथ मूल्य क्यान्टिन व्यापारिक नभई आन्तरिक प्रयोजनको लागि मात्र हो । उनले भने, ‘त्यो कुनै व्यापारिक प्रयोजनका लागि खोलिएको होइन, सेनाले आफ्ना सकलदर्जा र उनीहरूका परिवारका लागि खोलेको हो ।’

यसअघि बुटवलको व्यापारिक केन्द्र अमरपथमा पनि सेनाले राणाकालीन इतिहासको टक्सार भत्काएर सपिङ मल निर्माण गरेको छ । सैनिक कल्याणकारी कोषको ७ करोड रुपैयाँ लगानीमा निर्मित नयाँ भवनको नाम पनि सेनाले ‘टक्सार कम्प्लेक्स’ राखेको छ ।

भाडामा दिने गरी बनाइएको उक्त मल सञ्चालनमा भने आएको छैन । उहिले टक (मुद्रा, सिक्का) काटिने मेसिनसहितको संरचना भएको टक्सारमा चारतले अधुनिक महल बनको छ । बुटवलको रामनगरस्थित २२ नम्बर वाहिनी परिसरमा ‘रिपुमर्दिनी पेट्रोल स्टेशन’ छ ।

नाफा कमाउने उद्देश्यले नेपाली सेनाले सुरु गरेका यी व्यवसाय त बुटवलका केही उदाहारण मात्र हुन् । मुलुकको आन्तरिक तथा बाह्य सुरक्षाका लागि जिम्मेवारीका साथ व्यारेकमा बस्ने नेपाली सेनाले बिस्तारै व्यापारिक कारोबार र अन्य काममा आफ्नो उपस्थिति बढाउँदै गएको देखिन्छ । सेनाले पेट्रोलपम्प त चलाएकै छ, जग्गा प्लटिङमा पनि हात हालेको छ ।

विस्तृत समाचार तलको लिंकमा

https://www.khabarhub.com/2021/14/251957/

यसमा तपाईको मत


फेसबुकबाट तपाईको प्रतिक्रिया

विज्ञापन

सम्बन्धित समाचार